ਕਿਆਰਾ ਅਡਵਾਨੀ ਇਨ੍ਹੀਂ ਦਿਨੀਂ ਆਪਣੀਆਂ ਫਿਲਮਾਂ ਤੋਂ ਇਲਾਵਾ ਨਿੱਜੀ ਜ਼ਿੰਦਗੀ ਵਿੱਚ ਸਿਧਾਰਥ ਮਲਹੋਤਰਾ ਨਾਲ ਆਪਣੇ ਅਫੇਅਰ ਅਤੇ ਫਿਰ ਬ੍ਰੇਕਅਪ ਦੀਆਂ ਅਟਕਲਾਂ ਕਾਰਨ ਸੁਰਖੀਆਂ ਵਿੱਚ ਹੈ।ਕਿਆਰਾ ਦੀ ਫਿਲਮ ‘ਭੂਲ ਭੁਲੱਈਆ 2’ ਜਲਦੀ ਰਿਲੀਜ਼ ਹੋਣ ਵਾਲੀ ਹੈ। ਪਹਿਲੀ ਫਿਲਮ ‘ਭੂਲ ਭੁਲੱਈਆ’ ਵਿੱਚ ਵਿਦਿਆ ਬਾਲਨ ਸੀ, ਇਸ ਲਈ ਲੋਕ ਚਰਚਾ ਕਰ ਰਹੇ ਹਨ ਕਿ ਕਿਆਰਾ ਨੇ ਅਜਿਹਾ ਕੰਮ ਕੀਤਾ ਹੈ, ਉਹੋ ਜਿਹਾ ਕੰਮ ਕੀਤਾ ਹੈ, ਵਿਦਿਆ ਦੇ ਮੁਕਾਬਲੇ ਉਹ ਅਜਿਹੀ ਹੈ, ਆਦਿ...। ਕਿਸੇ ਵੀ ਸਿਤਾਰੇ ਨੂੰ ਇਹ ਪਸੰਦ ਨਹੀਂ ਆਉਂਦਾ ਕਿ ਉਸ ਦੀ ਤੁਲਨਾ ਕਿਸੇ ਦੂਸਰੇ ਸਿਤਾਰੇ ਨਾਲ ਕੀਤੀ ਜਾਵੇ ਤਾਂ ਫਿਰ ਕਿਆਰਾ ਇਸ ਤੋਂ ਵੱਖ ਕਿਵੇਂ ਹੋ ਸਕਦੀ ਹੈ। ਜਦੋਂ ਇਹ ਚਰਚਾ ਕਿਆਰਾ ਤੱਕ ਪਹੁੁੰਚੀ ਤਾਂ ਉਸ ਨੂੰ ਚੰਗਾ ਨਹੀਂ ਲੱਗਾ। ਉਸ ਨੇ ਸਾਫ ਕਿਹਾ ਕਿ ਉਹ ਸਾਰਾ ਧਿਆਨ ਕੰਮ ਉੱਤੇ ਦਿੰਦੀ ਹੈ ਅਤੇ ਉਸ ਨੇ ਕਿਸੇ ਦੂਸਰੇ ਦੀ ਜੁੱਤੀ ਵਿੱਚ ਪੈਰ ਨਹੀਂ ਪਾਏ। ਉਂਝ ਵੀ ਇਹ ਪਹਿਲਾਂ ਵਾਲੀ ਫਿਲਮ ਦੀ ਅਗਲੀ ਕੜੀ ਨਹੀਂ, ਇਸ ਦੀ ਪੂਰੀ ਕਹਾਣੀ ਵੱਖਰੀ ਤਰ੍ਹਾਂ ਬਣਾਈ ਹੈ, ਇਸ ਲਈ ਉਸ ਦੇ ਕੰਮ ਦੀ ਤੁਲਨਾ ਵਿਦਿਆ ਦੇ ਕੰਮ ਨਾਲ ਕਰਨਾ ਬਿਲਕੁਲ ਗਲਤ ਹੈ।
ਕਿਆਰਾ ਫਿਲਮ ‘ਭੂਲ ਭੁਲੱਈਆ 2’ ਦੇ ਪ੍ਰਚਾਰ ਲਈ ਕਪਿਲ ਸ਼ਰਮਾ ਦੇ ਸ਼ੋਅ ਉੱਤੇ ਪਹੁੰਚੀ ਤਾਂ ਨਾਲ ਕਾਰਤਿਕ ਆਰੀਅਨ, ਰਾਜਪਾਲ ਯਾਦਵ ਅਤੇ ਫਿਲਮ ਡਾਇਰੈਕਟਰ ਅਨੀਸ ਬਜ਼ਮੀ ਵੀ ਸਨ। ਸ਼ੋਅ ਵਿੱਚ ਕਿਆਰਾ ਨੇ ਕਪਿਲ ਨਾਲ ਗੱਲਬਾਤ ਦੌਰਾਨ ਮੰਨਿਆ ਕਿ ਇੱਕ ਚੀਜ਼ ਬਾਰੇ ਉਸ ਨੂੰ ਥੋੜ੍ਹਾ ਵਹਿਮ ਹੈ। ਉਸ ਨੇ ਕਿਹਾ, ‘‘ਦਰਅਸਲ, ਜਦੋਂ ਤੱਕ ਮੈਂ ਕੋਈ ਫਿਲਮ ਸਾਈਨ ਨਹੀਂ ਕਰ ਲੈਂਦੀ, ਉਸ ਬਾਰੇ ਕਿਸੇ ਨੂੰ ਨਹੀਂ ਦੱਸਦੀ।”ਕਪਿਲ ਨੇ ਜਦੋਂ ਕਿਆਰਾ ਨਾਲ ਮਸਤੀ ਕਰਦੇ ਹੋਏ ਪੁੱਛਿਆ ਕਿ ਫਿਲਮ ‘ਭੂਲ ਭੁਲੱਈਆ 2’ ਵਿੱਚ ਉਸ ਨੂੰ ਹਾਰਰ ਰੋਲ ਵਿੱਚ ਦੇਖ ਕੇ ਲੋਕ ਡਰ ਜਾਣਗੇ, ਜਦ ਕਿ ਉਸ ਦਾ ਖੁਦ ਇਹ ਮੰਨਣਾ ਹੈ ਕਿ ਅਜਿਹੀ ‘ਭੂਤਨੀ’ ਨੂੰ ਦੇਖ ਕੇ ਉਸ ਨੂੰ ਪਿਆਰ ਹੋ ਜਾਵੇਗਾ।