ਧਰਮਸ਼ਾਲਾ, 16 ਮਈ (ਪੋਸਟ ਬਿਊਰੋ)- ਹਿਮਾਚਲ ਪ੍ਰਦੇਸ਼ ਪੁਲਸ ਕਾਂਸਟੇਬਲ ਭਰਤੀ ਪੇਪਰ ਲੀਕ ਕੇਸ ਵਿੱਚ ਪੁਲਸ ਤੇ ਵਿਸ਼ੇਸ਼ ਜਾਂਚ ਟੀਮ (ਐਸ ਆਈ ਟੀ) ਨੇ ਚਾਰ ਹੋਰ ਲੋਕਾਂ ਨੂੰ ਗ਼੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਵਿੱਚ ਬਿਲਾਸਪੁਰ ਤੋਂ ਪਿਤਾ-ਪੁੱਤਰ ਦੇ ਇਲਾਵਾ ਇੱਕ ਦਲਾਲ ਨੂੰ ਸ਼ਿਮਲਾ ਤੇ ਇੱਕ ਨੂੰ ਲਖਨਊ ਤੋਂ ਗ਼੍ਰਿਫ਼ਤਾਰ ਕੀਤਾ ਗਿਆ ਹੈ ਅਤੇ ਅੱਜ ਤਕ ਇਸ ਕੇਸ ਵਿੱਚ 20 ਦੋਸ਼ੀਆਂ ਨੂੰ ਗ਼੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ।
ਗ਼੍ਰਿਫ਼ਤਾਰ ਪਿਤਾ-ਪੁੱਤਰ ਅਤੇ ਸ਼ਿਮਲਾ ਤੋਂ ਦਲਾਲੀ ਦੇ ਦੋਸ਼ ਵਿੱਚ ਫੜੇ ਵਿਅਕਤੀ ਨੂੰ ਬਿਲਾਸਪੁਰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ, ਜਿੱਥੋਂ ਉਨ੍ਹਾਂ ਨੂੰ 18 ਮਈ ਤਕ ਰਿਮਾਂਡ ਉੱਤੇ ਭੇਜ ਦਿੱਤਾ ਗਿਆ।ਦੋਸ਼ ਹੈ ਕਿ ਸ਼ਿਮਲਾ ਤੋਂ ਗ਼੍ਰਿਫ਼ਤਾਰ ਕੀਤੇ ਦਲਾਲ ਨੇ 6 ਲੱਖ ਰੁਪਏ ਵਿੱਚ ਪ੍ਰਸ਼ਨਪੱਤਰ ਦਿਵਾਇਆ ਸੀ। ਇਸ ਪ੍ਰੀਖਿਆ ਵਿੱਚ 63 ਨੰਬਰ ਲੈਣ ਵਾਲੇ ਇੱਕ ਉਮੀਦਵਾਰ ਉੱਤੇ ਪੁਲਸ ਨੂੰ ਸ਼ੱਕ ਹੋਇਆ। ਉਸ ਤੋਂ ਪੁੱਛਗਿੱਛ ਕੀਤੀ ਗਈ ਤਾਂ ਉਸ ਨੇ ਦੱਸਿਆ ਕਿ ਉਸਦੇ ਪਿਤਾ ਨੇ ਪੇਪਰ ਦੀ ਸੈਟਿੰਗ ਕਰਵਾਈ ਸੀ।ਉਸ ਦੇ ਪਿਤਾ ਨੂੰ ਗ਼੍ਰਿਫ਼ਤਾਰ ਕਰ ਕੇ ਪੁੱਛਗਿੱਛ ਕੀਤੀ ਉਸ ਨੇ ਦੱਸਿਆ ਕਿ ਸ਼ਿਮਲਾ ਜ਼ਿਲ੍ਹੇ ਦੇ ਇੱਕ ਵਿਅਕਤੀ ਨੇ 6 ਲੱਖ ਰੁਪਏ ਲੈ ਕੇ ਪ੍ਰਸ਼ਨਪੱਤਰ ਦਿਵਾਇਆ ਸੀ। ਇਸ ਦੇ ਬਾਅਦ ਪੁਲਸ ਨੇ ਦਲਾਲੀ ਦੇ ਦੋਸ਼ ਵਿੱਚ ਇੱਕ ਵਿਅਕਤੀ ਨੂੰ ਗ਼੍ਰਿਫ਼ਤਾਰ ਕੀਤਾ।