ਕਾਠਮੰਡੂ, 13 ਮਈ (ਪੋਸਟ ਬਿਊਰੋ)- ਇੱਕ ਨੇਪਾਲੀ ਸ਼ੇਰਪਾ ਔਰਤ ਨੇ ਦੁਨੀਆ ਦੀ ਸੱਭ ਤੋਂ ਉਚੀ ਚੋਟੀ ਐਵਰੈਸਟ ਨੂੰ ਸਭ ਤੋਂ ਜ਼ਿਆਦਾ ਵਾਰ ਫ਼ਤਿਹ ਕਰਨ ਵਿੱਚ ਆਪਣਾ ਹੀ ਰਿਕਾਰਡ ਤੋੜ ਦਿੱਤਾ ਹੈ।
ਸ਼ੇਰਪਾ ਦੇ ਭਰਾ ਅਤੇ ਮੁਹਿੰਮ ਦੇ ਪ੍ਰਬੰਧਕ ਮਿੰਗਮਾ ਗੇਲੂ ਨੇ ਕਿਹਾ ਕਿ ਲਕਪਾ ਸ਼ੇਰਪਾ ਅਤੇ ਕਈ ਹੋਰ ਪਰਬਤਅਰੋਹੀਆਂ ਨੇ 8,849 ਮੀਟਰ (29,032 ਫੁੱਟ) ਉਚੀ ਚੋਟੀ ਉੱਤੇਜਾਣ ਲਈ ਅਨੁਕੂਲ ਮੌਸਮ ਦਾ ਲਾਭ ਉਠਾਇਆ। ਉਨ੍ਹਾਂ ਦੱਸਿਆ ਕਿ ਸ਼ੇਰਪਾ ਸਿਹਤਮੰਦ ਹੈ ਅਤੇ ਸੁਰੱਖਿਅਤ ਹੇਠਾਂ ਉਤਰ ਰਹੀ ਹੈ।ਲਕਪਾ ਸ਼ੇਰਪਾ (48 ਸਾਲ) ਨੂੰ ਕਦੇ ਵੀ ਰਸਮੀ ਸਿੱਖਿਆ ਪ੍ਰਾਪਤ ਕਰਨ ਦਾ ਮੌਕਾ ਨਹੀਂ ਮਿਲਿਆ, ਕਿਉਂਕਿ ਉਸ ਨੂੰ ਚੜ੍ਹਾਈ ਕਰਨ ਲਈ ਗੇਅਰ ਤੇ ਟੈ੍ਰਕਰਾਂ ਦੀ ਸਪਲਾਈ ਕਰ ਕੇ ਰੋਜ਼ੀ-ਰੋਟੀ ਕਮਾਉਣੀ ਪੈਂਦੀ ਸੀ। ਕੱਲ੍ਹ ਦੀ ਸਫ਼ਲ ਚੜ੍ਹਾਈ ਉਸਦੀ 10ਵੀਂ ਚੜ੍ਹਾਈ ਸੀ। ਸ਼ੇਰਪਾ ਨੇ ਹਮੇਸ਼ਾ ਕਿਹਾ ਕਿ ਉਹ ਸਾਰੀਆਂ ਔਰਤਾਂ ਨੂੰ ਪ੍ਰੇਰਤ ਕਰਨਾ ਚਾਹੁੰਦੀ ਹੈ, ਤਾਂ ਜੋ ਉਹ ਵੀ ਸੁਪਨੇ ਸਾਕਾਰ ਕਰ ਸਕਣ।ਨੇਪਾਲ ਦੀ ਵਸਨੀਕ ਸ਼ੇਰਪਾ ਆਪਣੇ ਤਿੰਨ ਬੱਚਿਆਂ ਨਾਲ ਵੈਸਟ ਹਾਰਟਫ਼ੋਰਡ, ਕਨੈਕਟੀਕਟ, ਅਮਰੀਕਾ ਵਿੱਚ ਰਹਿੰਦੀ ਹੈ। ਇੱਕ ਹੋਰ ਨੇਪਾਲੀ ਸ਼ੇਰਪਾ ਗਾਈਡ, ਕਾਮੀ ਰੀਤਾ, ਕੱਲ੍ਹ 26ਵੀਂ ਵਾਰ ਸਿਖਰ ਉੱਤੇ ਪੁੱਜੀ। ਉਸ ਨੇ ਵੀ ਐਵਰੈਸਟ ਦੀ ਸਭ ਤੋਂ ਉਚੀ ਚੜ੍ਹਾਈ ਦਾ ਆਪਣਾ ਹੀ ਰਿਕਾਰਡ ਤੋੜ ਦਿੱਤਾ। ਰੀਟਾ ਨੇ ਸ਼ੇਰਪਾ ਪਰਬਤ ਅਰੋਹੀਆਂ ਦੇ ਇੱਕ ਗਰੁੱਪ ਦੀ ਅਗਵਾਈ ਕੀਤੀ, ਜਿਸ ਨੇ ਰਸਤੇ ਵਿੱਚ ਰੱਸੀਆਂ ਲਗਾਈਆਂ ਤਾਂਕਿ ਸੈਂਕੜੇ ਹੋਰ ਪਰਬਤ ਅਰੋਹੀ ਮਹੀਨੇ ਦੇ ਅੰਤ ਤਕ ਸਿਖਰ ਉੱਤੇ ਪਹੁੰਚ ਸਕਣ।