ਰਾਂਚੀ, 13 ਮਈ (ਪੋਸਟ ਬਿਊਰੋ)- ਰਾਸ਼ਟਰੀ ਜਾਂਚ ਏਜੰਸੀ (ਐਨ ਆਈ ਏ) ਨੇ ਝਾਰਖੰਡ ਵਿੱਚ ਹਥਿਆਰ-ਕਾਰਤੂਸ ਦੀ ਸਪਲਾਈ ਦੇ ਕੇਸ ਵਿੱਚ ਕੱਲ੍ਹ 11 ਦੋਸ਼ੀਆਂ ਖਿਲਾਫ ਐਨ ਆਈ ਏ ਦੀ ਵਿਸ਼ੇਸ਼ ਅਦਾਲਤ ਵਿੱਚ ਦੋਸ਼ ਪੱਤਰ ਦਾਖਲ ਕਰ ਦਿੱਤਾ। ਪੰਜਾਬ ਦੇ ਫਿਰੋਜ਼ਪੁਰ ਵਿੱਚ ਸੀਮਾ ਸੁਰੱਖਿਆ ਬਲ (ਬੀ ਐਸ ਐਫ) ਦੀ 116 ਬਟਾਲੀਅਨ ਦੇ ਹੌਲਦਾਰ ਕਾਰਤਿਕ ਬੇਹਰਾ ਨੇ ਕੈਂਪ ਤੋਂ ਕਾਰਤੂਸ ਚੋਰੀ ਕਰ ਕੇ ਸਹਿਯੋਗੀ ਜ਼ਰੀਏ ਅੱਤਵਾਦੀਆਂ ਤਕ ਪਹੁੰਚਾਏ ਸਨ।
ਚਾਰਜਸ਼ੀਟ ਵਿੱਚ ਦੱਸਿਆ ਗਿਆ ਹੈ ਕਿ ਕਾਰਤਿਕ ਨੇ ਕਾਰਤੂਸ ਚੋਰੀ ਕਰ ਕੇ ਸਹਿਯੋਗੀ ਅਰੁਣ ਕੁਮਾਰ ਸਿੰਘ ਨੂੰ ਦਿੱਤੇ ਸਨ। ਅਰੁਣ ਨੇ ਬੀ ਐਸ ਐਫ ਦੀ ਉਸੇ 116 ਬਟਾਲੀਅਨ ਤੋਂ ਸਵੈਇੱਛਾ ਨਾਲ ਸੇਵਾਮੁਕਤੀ ਲਈ ਸੀ। ਅਰੁਣ ਨੇ ਨਕਸਲੀ ਖੇਤਰਾਂ ਵਿੱਚ ਕੰਮ ਕਰਵਾ ਰਹੇ ਕੁਝ ਠੇਕੇਦਾਰਾਂ ਰਾਹੀਂ ਕਾਰਤੂਸ ਮਾਓਵਾਦੀਆਂ ਦੇ ਇਲਾਵਾ ਅਮਨ ਸਾਹੂ ਗਿਰੋਹ ਤੇ ਕੁਝ ਹੋਰ ਅਪਰਾਧੀਆਂ ਨੂੰ ਸਪਲਾਈ ਕੀਤੇ ਸੀ। ਕਾਰਤਿਕ ਨੂੰ ਬੀ ਐਸ ਐਫ ਕੈਂਪ ਤੋਂ ਕਾਰਤੂਸ ਦੀ ਚੋਰੀ ਤੇ ਨਕਸਲੀਆਂ-ਅਪਰਾਧੀਆਂ ਨੂੰ ਸਪਲਾਈ ਵਿੱਚ ਸ਼ਾਮਲ ਕਾਰਨ ਬੀ ਐਸ ਐਫ ਤੋਂ ਬਰਖਾਸਤ ਕਰ ਦਿੱਤਾ ਗਿਆ ਸੀ।