ਜਲੰਧਰ, 13 ਮਈ (ਪੋਸਟ ਬਿਊਰੋ)- ਪੰਜਾਬ ਸਰਕਾਰ ਦੀ ਮੁਫਤ ਬਿਜਲੀ ਸਕੀਮ ਹੇਠ 600 ਯੂਨਿਟ ਫਰੀ ਲੈਣ ਲਈ ਪਾਵਰਕਾਮ ਕੋਲ ਹਰ ਕੋਈ ਦੂਸਰਾ ਮੀਟਰ ਅਪਲਾਈ ਕਰ ਰਿਹਾ ਹੈ।
ਖਪਤਕਾਰਾਂ ਨੇ ਦੂਸਰਾ ਮੀਟਰ ਲਗਵਾਉਣ ਲਈ ਨਵਾਂ ਰਾਹ ਲੱਭ ਲਿਆ ਹੈ। ਪਿਤਾ ਪੁੱਤਰ ਤੋਂ ਵੱਖ ਰਹਿੰਦਾ ਕਿਹਾ ਜਾਂਦਾ ਹੈ ਅਤੇ ਇਸ ਗੱਲ ਦਾ ਸਬੂਤ ਦੇਣਾ ਪੈਂਦਾ ਹੈ। ਪਤੀ ਪਤਨੀ ਦੇ ਨਾਂਅ ਮੀਟਰ ਅਪਲਾਈ ਕਰ ਰਿਹਾ ਹੈ। ਪਾਵਰਕਾਮ ਕੇਵਲ ਪੁਰਾਣੇ ਸਰਕੂਲਰ ਦੇ ਹਿਸਾਬ ਨਾਲ ਅਰਜ਼ੀ ਲੈ ਰਹੀ ਹੈ, ਜਿਸ ਵਿੱਚ ਰਸੋਈ, ਪੌੜੀਆਂ ਵੱਖ ਹੋਣੀਆਂ ਚਾਹੀਦੀਆਂ ਹਨ। ਇੱਕ ਮਹੀਨੇ ਵਿੱਚ ਕਰੀਬ 2500 ਅਰਜ਼ੀਆਂ ਕੇਵਲ ਨਵੇਂ ਕੁਨੈਕਸ਼ਨ ਲਵਾਉਣ ਲਈ ਵਿਭਾਗ ਨੂੰ ਮਿਲੀਆਂ ਹਨ।ਕਈ ਕੇਸ ਏਦਾਂ ਦੇ ਹਨ, ਜਿਨ੍ਹਾਂ ਦੇ ਘਰ ਵਿੱਚ ਪਹਿਲਾਂ ਹੀ ਦੋ-ਦੋ ਮੀਟਰ ਹਨ ਅਤੇ ਉਹ ਤੀਸਰਾ ਮੀਟਰ ਅਪਲਾਈ ਕਰ ਰਹੇ ਹਨ। ਇਸ ਵੇਲੇ ਆ ਰਹੇ ਕੇਸਾਂ ਪਤੀ ਆਪਣੀ ਪਤਨੀ ਦੇ ਨਾਂਅਮੀਟਰ ਅਪਲਾਈ ਕਰ ਰਿਹਾ ਹੈ। ਪਿਤਾ ਬੇਟੇ ਨੂੰ ਵੱਖ ਦੱਸ ਰਿਹਾ ਹੈ, ਭਰਾ-ਭਰਾ ਦੀ ਆਪੋ ਵਿੱਚ ਨਹੀਂ ਬਣਦੀ ਕਹੀ ਜਾ ਰਹੀ ਹੈ। ਕਿਸੇ ਨੂੰ ਮਨ੍ਹਾ ਨਹੀਂ ਕੀਤਾ ਜਾਂਦਾ, ਸਭ ਤੋਂ ਐਪਲੀਕੇਸ਼ਨ ਲਈ ਜਾਂਦੀ ਅਤੇ ਫਾਈਲਾਂ ਉਚ ਅਧਿਕਾਰੀਆਂ ਨੂੰ ਭੇਜੀਆਂ ਜਾਂਦੀਆਂ ਹਨ।