ਮਾਧੁਰੀ ਦੀਕਸ਼ਿਤ ਨੇਨੇ ਨੇ ਆਪਣੇ ਦੂਜੇ ਗੀਤ ‘ਤੂੰ ਹੈ ਮੇਰਾ' ਦੀ ਪਹਿਲੀ ਝਲਕ ਸਾਂਝੀ ਕੀਤੀ ਹੈ, ਜਿਸ ਨੂੰ ਉਹ ਆਪਣੇ ਜਨਮ ਦਿਨ ਮੌਕੇ 15 ਮਈ ਨੂੰ ਰਿਲੀਜ਼ ਕਰੇਗੀ। ਮਾਧੁਰੀ ਨੇ ਆਪਣਾ ਪਹਿਲਾ ਗੀਤ ‘ਕੈਂਡਲ’ ਤਾਲਾਬੰਦੀ ਦੌਰਾਨ ਰਿਲੀਜ਼ ਕੀਤਾ ਤੇ ਇਹ ਮਹਾਮਾਰੀ ਦੌਰਾਨ ਮੂਹਰਲੀ ਕਤਾਰ ਵਿੱਚ ਲੜਨ ਵਾਲਿਆਂ ਨੂੰ ਸਮਰਪਿਤ ਕੀਤਾ ਸੀ। ਆਪਣੇ ਜਨਮ ਦਿਨ ਮੌਕੇ ਉਹ ਦੂਜਾ ਗਾਣਾ ‘ਤੂੰ ਹੈ ਮੇਰਾ’ ਰਿਲੀਜ਼ ਕਰਨ ਜਾ ਰਹੀ ਹੈ।
ਮਾਧੁਰੀ ਨੇ ਲਿਖਿਆ, ‘‘ਮੇਰੇ ਨਾਲ ਗੀਤ ‘ਤੂੰ ਹੈ ਮੇਰਾ’ ਦੇ ਸਫਰ ਦੀ ਪਹਿਲੀ ਝਲਕ ਦਾ ਆਨੰਦ ਮਾਣੋ।” ਇਹ ਗੀਤ ਉਸ ਨੇ ਉਨ੍ਹਾਂ ਸਾਰੇ ਪ੍ਰਸ਼ੰਸਕਾਂ ਲਈ ਪਿਆਰ ਦਾ ਇਜ਼ਹਾਰ ਹੈ, ਜਿਨ੍ਹਾਂ ਨੇ ਉਸ ਦੇ ਸਫਰ ਦਾ ਸਮਰਥਨ ਕੀਤਾ ਹੈ। ਐਕਟਿੰਗ ਵਿੱਚ ਮਾਧੁਰੀ ਪਿਛਲੀ ਵਾਰ ਡਾਇਰੈਕਟਰ ਅਭਿਸ਼ੇਕ ਵਰਮਨ ਦੀ ਸਾਲ 2019 ਵਿੱਚ ਆਈ ਫਿਲਮ ‘ਕਲੰਕ’ ਵਿੱਚ ਨਜ਼ਰ ਆਈ ਸੀ। ਇਸ ਫਿਲਮ ਵਿੱਚ ਸੋਨਾਕਸ਼ੀ ਸਿਨਹਾ, ਆਲੀਆ ਭੱਟ, ਵਰੁਣ ਧਵਨ, ਅਦਿਤਿਆ ਰਾਏ ਕਪੂਰ ਅਤੇ ਸੰਜੇ ਦੱਤ ਨੇ ਕੰਮ ਕੀਤਾ ਸੀ।