ਇਨ੍ਹੀਂ ਦਿਨੀਂ ਐਕਸ਼ਨ ਫਿਲਮਾਂ ਦੀ ਫਰੈਂਚਾਈਜ਼ੀ ਬਣਨਾ ਕੋਈ ਨਵੀਂ ਗੱਲ ਨਹੀਂ। ਕੁਝ ਨਿਰਮਾਤਾ ਆਪਣੀਆਂ ਫਿਲਮਾਂ ਨੂੰ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਉਸ ਦੀ ਫਰੈਂਚਾਈਜ਼ੀ ਅੱਗੇ ਵਧਾਉਣ ਦਾ ਐਲਾਨ ਕਰ ਦਿੰਦੇ ਹਨ। ‘ਪੁਸ਼ਪਾ : ਦ ਰਾਈਜ਼-ਪਾਰਟ 1’ ਅਤੇ ‘ਅਟੈਕ-1’ ਫਿਲਮਾਂ ਦੇ ਬਾਅਦ ਕੰਗਨਾ ਰਣੌਤ ਦੀ ਫਿਲਮ ‘ਧਾਕੜ’ ਦਾ ਨਾਂਅ ਵੀ ਇਸ ਵਿੱਚ ਆ ਗਿਆ ਹੈ। ‘ਧਾਕੜ' ਫਿਲਮ ਦੇ ਅਗਲਾ ਭਾਗ ਦੀ ਪੁਸ਼ਟੀ ਖੁਦ ਨਿਰਮਾਤਾ ਦੀਪਕ ਮੁਕੁਟ ਨੇ ਕੀਤੀ ਹੈ।
ਦੀਪਕ ਨੇ ਕਿਹਾ, ‘ਧਾਕੜ 2’ ਵਾਸਤੇ ਸਾਡੀ ਤਿਆਰੀ ਹੋ ਚੁੱਕੀ ਹੈ। ਨਿਸ਼ਚਤ ਤੌਰ ਉੱਤੇ ਅਸੀਂ ‘ਧਾਕੜ 2’ ਬਣਾਉਣ ਵਾਲੇ ਹਾਂ। ਜਲਦੀ ਹੀ ਅਸੀਂ ਇਸ ਦੀ ਅਧਿਕਾਰਕ ਅਨਾਊਂਸਮੈਂਟ ਕਰਾਂਗੇ। ‘ਧਾਕੜ 2’ ਵਿੱਚ ਵੀ ਕੰਗਨਾ ਨੂੰ ਕਾਸਟ ਕਰਨ ਦੇ ਸਵਾਲ ਉੱਤੇ ਦੀਪਕ ਨੇ ਕਿਹਾ ਕਿ ਹਾਂ, ਨਿਸ਼ਚਿਤ ਤੌਰ ਉਤੇ, ਕਿਉਂਕਿ ਉਹੀ ਸਾਡੀ ਫਰੈਂਚਾਈਜ਼ੀ ਦਾ ਚਿਹਰਾ ਹੈ। ਕਿਸੇ ਦੂਸਰੇ ਨੂੰ ਕਾਸਟ ਕਰਨ ਦਾ ਸਵਾਲ ਹੀ ਨਹੀਂ। ਇਸ ਦੇ ਇਲਾਵਾ ਦੀਪਕ ਨੇ ਇਹ ਵੀ ਸਵੀਕਾਰ ਕੀਤਾ ਕਿ ਉਹ ਫਿਲਮਕਾਰ ਮਿਲਨ ਲੁਥਰੀਆ ਤੇ ਸਿਧਾਰਥ ਆਨੰਦ ਦੇ ਨਾਲ ਮਿਲ ਕੇ ਇੱਕ ਹੋਰ ਐਕਸ਼ਨ ਫਰੈਂਚਾਈਜ਼ੀ ਫਿਲਮ ਕਰ ਰਹੇ ਹਨ। ਵੀਹ ਮਈ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਫਿਲਮ ‘ਧਾਕੜ’ ਵਿੱਚ ਕੰਗਨਾ ਦੇ ਨਾਲ ਅਭਿਨੇਤਰੀ ਦਿਵਿਆ ਦੱਤਾ ਅਤੇ ਅਭਿਨੇਤਾ ਅਰਜੁਨ ਰਾਮਪਾਲ ਵੀ ਅਹਿਮ ਭੂਮਿਕਾਵਾਂ ਵਿੱਚ ਹਨ।