ਸ਼ਾਹਰੁਖ ਖਾਨ ਇਨ੍ਹੀਂ ਦਿਨੀਂ ਆਪਣੀ ਮੋਸਟ ਅਵੇਟਿਡ ਫਿਲਮ ‘ਪਠਾਨ’ ਬਾਰੇ ਚਰਚਾ ਵਿੱਚ ਹੈ। ਇਸ ਨਾਲ ਜੁੜੀ ਤਾਜ਼ਾ ਜਾਣਕਾਰੀ ਹੈ ਕਿ ਫਿਲਮ ਦੇ ਡਿਜੀਟਲ ਰਾਈਟਸ ਦੀ ਡੀਲ ਕਰੋੜਾਂ ਵਿੱਚ ਹੋਈ ਹੈ। ਪਤਾ ਲੱਗਾ ਹੈ ਕਿ ਮੇਕਰਸ ਨੇ ‘ਪਠਾਨ’ ਦੇ ਰਾਈਟਸ ਦੀ ਡੀਲ ਓ ਟੀ ਟੀ ਪਲੇਟਫਾਰਮ ਅਮੇਜ਼ਨ ਪ੍ਰਾਈਮ ਵੀਡੀਓ ਦੇ ਨਾਲ ਤਕਰੀਬਨ 200 ਕਰੋੜ ਤੋਂ ਵੱਧ ਵਿੱਚ ਕੀਤੀ ਹੈ। ਅਜੇ ਇਸ ਬਾਰੇ ਕੋਈ ਅਧਿਕਾਰਕ ਪੁਸ਼ਟੀ ਨਹੀਂ ਕੀਤੀ ਗਈ।
ਸ਼ਾਹਰੁਖ ਇਸ ਫਿਲਮ ਨਾਲ ਕਰੀਬ ਤਿੰਨ ਸਾਲ ਬਾਅਦ ਕਮਬੈਕ ਕਰਨਗੇ ਅਤੇ ਇਸ ਵਿੱਚ ਅਭਿਨੇਤਰੀ ਡਿੰਪਲ ਕਪਾਡੀਆ, ਆਸ਼ੂਤੋਸ਼ ਰਾਣਾ ਵੀ ਹਨ। ਇਨ੍ਹਾਂ ਦੇ ਇਲਾਵਾ ਜਾਨ ਅਬਰਾਹਮ ਤੇ ਸਲਮਾਨ ਖਾਨ ਨਜ਼ਰ ਆਉਣਗੇ। ਦੱਸਣਾ ਬਣਦਾ ਹੈ ਕਿ ਸ਼ਾਹਰੁਖ ਦੇ ਕੋਲ ਇਸ ਸਮੇਂ ਕਈ ਪ੍ਰੋਜੈਕਟ ਹਨ। ਉਹ ਏਟਲੀ ਕੁਮਾਰ ਦੀ ਫਿਲਮ ‘ਲਾਇਨ’ ਅਤੇ ਰਾਜ ਕੁਮਾਰ ਹਿਰਾਨੀ ਦੀ ਫਿਲਮ ‘ਡੰਕੀ’ ਵਿੱਚ ਵੀ ਕੰਮ ਕਰ ਰਹੇ ਹਨ। ‘ਪਠਾਨ’ ਅਗਲੇ ਸਾਲ ਰਿਲੀਜ਼ ਹੋਵੇਗੀ।