ਮਮਦੋਟ (ਫਿਰੋਜ਼ਪੁਰ), 29 ਅਪ੍ਰੈਲ (ਪੋਸਟ ਬਿਊਰੋ)- ਮਮਦੋਟ ਨੇੜੇ ਟਿੱਬੀ ਖੁਰਦ ਵਾਲੀ ਮੰਡੀ ਵਿੱਚ ਮਜ਼ਦੂਰਾਂ ਲਈ ਆੜ੍ਹਤੀਆਂ ਦੇ ਦੋ ਧੜਿਆਂ ਵਿੱਚ ਝਗੜੇ ਦੌਰਾਨ ਫਾਇਰਿੰਗ ਹੋਈ ਤਾਂ ਗੋਲੀ ਨਾਲ ਕਿਸਾਨ ਕਿਰਪਾਲ ਸਿੰਘ ਦੀ ਮੌਤ ਹੋ ਗਈ। ਗੋਲੀ ਚਲਾਉਣ ਵਾਲੇ ਨੇ ਖੁਦ ਉੱਤੇ ਵੀ ਗੋਲੀ ਚਲਾ ਦਿੱਤੀ। ਉਹ ਗੰਭੀਰ ਜ਼ਖਮੀ ਹੈ।
ਵਰਨਣ ਯੋਗ ਹੈ ਕਿ ਮਜ਼ਦੂਰਾਂ ਵਾਸਤੇ ਪਿਛਲੇ ਦੋ ਦਿਨਾਂ ਤੋਂ ਝਗੜਾ ਚੱਲ ਰਿਹਾ ਸੀ। ਕੱਲ੍ਹ ਆੜ੍ਹਤੀ ਮਜ਼ਦੂਰ ਬਾਰੇ ਫਿਰ ਝਗੜ ਪਏ। ਪਿੰਡ ਜੋਧਪੁਰ ਦਾਵਸਨੀਕ ਕਿਸਾਨ 47 ਸਾਲਾ ਕਿਰਪਾਲ ਸਿੰਘ ਆਪਣੇ ਰਿਸ਼ਤੇਦਾਰ ਨੂੰ ਮਿਲਣ ਮੰਡੀ ਵਿੱਚ ਆਇਆ ਸੀ। ਝਗੜਾ ਵਧਿਆ ਤਾਂ ਉਸ ਨੇ ਨਿਬੇੜਨ ਦੀ ਕੋਸ਼ਿਸ਼ ਕੀਤੀ। ਇਸ ਮੌਕੇ ਗੁਰਚਰਨ ਸਿੰਘ ਵਾਸੀ ਟਿੱਬੀ ਖੁਰਦ ਨੇ ਗੋਲੀ ਚਲਾ ਦਿੱਤੀ, ਜਿਹੜੀ ਕਿਰਪਾਲ ਸਿੰਘ ਨੂੰ ਲੱਗੀ।ਗੰਭੀਰ ਹਾਲਤ ਵਿੱਚ ਕਿਰਪਾਲ ਨੂੰ ਫਿਰੋਜ਼ਪੁਰ ਦੇ ਨਿੱਜੀ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸ ਦੀ ਮੌਤ ਹੋ ਗਈ। ਉਸ ਦੇ ਪਰਵਾਰ ਨੇ ਦੋਸ਼ ਲਾਇਆ ਕਿ ਗੋਲੀ ਚਲਾਉਣ ਦੇ ਬਾਅਦ ਕਰਾਸ ਕੇਸ ਦਰਜ ਕਰਾਉਣ ਲਈ ਗੁਰਚਰਨ ਨੇ ਖੁਦ ਨੂੰ ਗੋਲੀ ਮਾਰੀ ਹੈ।