ਮਲੋਟ, 25 ਅਪ੍ਰੈਲ (ਪੋਸਟ ਬਿਊਰੋ)- ਪੁਲਸ ਨੇ ਮਲੋਟ ਸ਼ਹਿਰ ਦੇ ਦਵਿੰਦਰਾ ਰੋਡ ਤੋਂ ਲਾਪਤਾ ਹੋਏ 13 ਸਾਲਾ ਸਮੀਤ ਕੁਮਾਰ ਦੀ ਗੁੱਥੀ ਸੁਲਝਾ ਲਈ ਹੈ। ਭਾਵੇਂ ਅਜੇ ਪੁਲਸ ਨੂੰ ਸੁਮੀਤ ਦੀ ਲਾਸ਼ ਨਹੀਂ ਮਿਲੀ ਪਰ ਸੁਮੀਤ ਨੂੰ ਉਸਦੇ ਮਤਰੇਏ ਮਾਮੇੇ ਨੇ ਪੈਸੇ ਖਾਤਰ ਕਤਲ ਕਰ ਕੇ ਲਾਸ਼ ਰਾਜਸਥਾਨ ਫ਼ੀਡਰਨਹਿਰ ਵਿੱਚ ਸੁੱਟਣ ਦਾ ਦੋਸ਼ ਮੰਨ ਲਿਆ ਹੈ।
ਡੀ ਐੱਸ ਪੀ ਮਲੋਟ ਨੇ ਦੱਸਿਆ ਕਿ ਸੁਮੀਤ ਕੁਮਾਰ ਦੇ 24 ਫਰਵਰੀ ਨੂੰ ਅਚਾਨਕ ਘਰੋਂ ਜਾਣ ਦੀ ਸ਼ਿਕਾਇਤ ਪਰਵਾਰ ਨੇ 26 ਫ਼ਰਵਰੀ ਦਰਜ ਕਰਵਾਈ ਸੀ। ਪੁਲਸ ਨੇ ਸ਼ੱਕ ਦੇ ਆਧਾਰ ਉੱਤੇ ਸੁਮੀਤ ਦੇ ਮਤਰੇਏ ਮਾਮੇ ਅਮਨਦੀਪ ਉਰਫ਼ ਸੂਰਜ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਸੁਮੀਤ ਦੇ ਕਤਲ ਦਾ ਗੁਨਾਹ ਮੰਨ ਲਿਆ। ਸੁਮੀਤ ਦੇ ਮਾਂ-ਬਾਪ ਦਾ ਆਪਸ ਵਿੱਚ ਤਲਾਕ ਹੋਇਆ ਅਤੇ ਸੁਮੀਤ ਦੇ ਪਿਤਾ ਨੇ ਦੂਜਾ ਵਿਆਹ ਕਰਵਾ ਲਿਆ ਸੀ ਅਤੇ ਸੁਮੀਤ ਆਪਣੇ ਪਿਤਾ ਤੇ ਮਤਰੇਈ ਮਾਂ ਕੋਲ ਰਹਿੰਦਾ ਸੀ। ਦੋਸ਼ੀ ਸੂਰਜ ਵੀ ਇਥੇ ਹੀ ਰਹਿੰਦਾ ਸੀ। ਉਸ ਨੇ ਪੁਲਸ ਕੋਲ ਮੰਨਿਆ ਉਸ ਨੇ ਲਾਲਚ ਵਿੱਚ ਆ ਕੇ ਸੁਮੀਤ ਨੂੰ ਨਹਿਰਉਤੇ ਲਿਜਾ ਕੇ ਸਿਰ ਵਿੱਚ ਇੱਟ ਮਾਰ ਕੇ ਰਾਜਸਥਾਨ ਫ਼ੀਡਰ ਨਹਿਰ ਵਿੱਚ ਸੁੱਟ ਦਿੱਤਾ ਸੀ, ਜਿਸ ਦਾ ਮਕਸਦ ਸੀ ਕਿ ਸੁਮੀਤ ਦੇ ਪਿਤਾ ਤੋਂ ਅਗ਼ਵਾ ਦਾ ਡਰਾਮਾ ਰਚ ਕੇ ਪੈਸੇ ਵਸੂਲਣਾ ਸੀ।