ਬਰੈਂਪਟਨ, 27 ਜਨਵਰੀ (ਪੋਸਟ ਬਿਊਰੋ) : ਬੁੱਧਵਾਰ ਰਾਤ ਨੂੰ ਬਰੈਂਪਟਨ ਵਿੱਚ ਵਾਪਰੀ ਹਥਿਆਰਬੰਦ ਕਾਰਜੈਕਿੰਗ ਦੀ ਘਟਨਾ ਲਈ ਜਿ਼ੰਮੇਵਾਰ ਦੋ ਮਸ਼ਕੂਕਾਂ ਦੀ ਪੀਲ ਪੁਲਿਸ ਵੱਲੋਂ ਭਾਲ ਕੀਤੀ ਜਾ ਰਹੀ ਹੈ।
ਸੈਂਡਲਵੁੱਡ ਪਾਰਕਵੇਅ ਤੇ ਫਰਨਫੌਰੈਸਟ ਡਰਾਈਵ ਤੋਂ ਰਾਤੀਂ 8:30 ਵਜੇ ਇੱਕ ਵੱਲੋਂ ਆਪਣੀ ਬੈਂਟਲੇ ਚੋਰੀ ਹੋਣ ਦੀ ਸਿ਼ਕਾਇਤ ਦਰਜ ਕਰਵਾਈ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਥਿਤ ਤੌਰ ਉੱਤੇ ਦੋ ਮਸ਼ਕੂਕਾਂ ਵੱਲੋਂ ਇੱਕ ਵਿਅਕਤੀ ਤੋਂ ਗੰਨ ਦੀ ਨੋਕ ਉੱਤੇ ਉਸ ਦੀ ਨੀਲੇ ਰੰਗ ਦੀ ਬੈਂਟਲੇ ਖੋਹ ਲਈ ਗਈ। ਬੈਂਟਲੇ ਦੀ ਲਾਇਸੰਸ ਪਲੇਟ ਨੰਬਰ ਬੀਕੇਐਫਕੇ 828 ਦੱਸੀ ਗਈ ਹੈ।
ਜਿਸ ਵਿਅਕਤੀ ਤੋਂ ਕਾਰ ਖੋਹੀ ਗਈ ਉਸ ਨੂੰ ਕੋਈ ਸੱਟ ਫੇਟ ਨਹੀਂ ਲੱਗੀ। ਪੁਲਿਸ ਨੇ ਦੱਸਿਆ ਕਿ ਮਸ਼ਕੂਕਾਂ ਨੂੰ ਹਲਕੇ ਰੰਗ ਦੀ ਗੱਡੀ ਵਿੱਚ ਇਲਾਕੇ ਤੋਂ ਬਾਹਰ ਜਾਂਦਿਆਂ ਵੇਖਿਆ ਗਿਆ।