Welcome to Canadian Punjabi Post
Follow us on

17

May 2022
 
ਅੰਤਰਰਾਸ਼ਟਰੀ

ਰਾਸ਼ਟਰਪਤੀ ਦਾ ਅਪਮਾਨ ਕਰਨ ਦੇ ਦੋਸ਼ ਵਿੱਚ ਪੱਤਰਕਾਰ ਨੂੰ ਜੇਲ੍ਹ

January 25, 2022 12:56 AM

ਅੰਕਾਰਾ, 24 ਜਨਵਰੀ (ਪੋਸਟ ਬਿਊਰੋ)- ਤੁਰਕੀ ਦੀ ਇੱਕ ਅਦਾਲਤ ਨੇ ਦੇਸ਼ ਦੇ ਰਾਸ਼ਟਰਪਤੀ ਦਾ ਅਪਮਾਨ ਕਰਨ ਦੇ ਦੋਸ਼ ਵਿੱਚ ਪ੍ਰਸਿੱਧ ਪੱਤਰਕਾਰ ਸੇਡੇਫ ਕਬਾਸ ਨੂੰ ਜੇਲ੍ਹ ਭੇਜ ਦਿੱਤਾ ਹੈ।
ਕਬਾਸ ਨੂੰ ਕੱਲ੍ਹ ਇਸਤਾਂਬੁਲ ਵਿੱਚ ਗ਼੍ਰਿਫ਼ਤਾਰ ਕੀਤਾ ਗਿਆ ਸੀ। ਤੁਰਕੀ ਦੀ ਅਦਾਲਤ ਨੇ ਕੇਸ ਚਲਾਏ ਬਿਨਾਂ ਉਸ ਨੂੰ ਜੇਲ੍ਹ ਭੇਜਣ ਦਾ ਹੁਕਮ ਦੇ ਦਿੱਤਾ। ਕਬਾਸ ਉੱਤੇ ਦੋਸ਼ ਹੈ ਕਿ ਉਸ ਨੇ ਵਿਰੋਧੀ ਧਿਰ ਨਾਲ ਜੁੜੇ ਇੱਕ ਟੀ ਵੀ ਚੈਨਲ ਉੱਤੇ ਲਾਈਵ ਪ੍ਰੋਗਰਾਮ ਵਿੱਚ ਇੱਕ ਕਹਾਵਤ ਦੇ ਜ਼ਰੀਏ ਤੁਰਕੀ ਦੇ ਰਾਸ਼ਟਰਪਤੀ ਰੇਸੇਪ ਤਇਪ ਏਰਦੋਗਨ ਨੂੰ ਟਾਰਗੈਟ ਕੀਤਾ ਸੀ। ਦੂਜੇ ਪਾਸੇ ਕਬਾਸ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕਰ ਰਹੀ ਹੈ। ਤੁਰਕੀ ਵਿੱਚ ਰਾਸ਼ਟਰਪਤੀ ਦਾ ਅਪਮਾਨ ਕਰਨ ਉੱਤੇ ਇੱਕ ਤੋਂ ਚਾਰ ਸਾਲ ਦੀ ਜੇਲ੍ਹ ਦੀ ਸਜ਼ਾ ਹੋ ਸਕਦੀ ਹੈ। ਕਬਾਸ ਨੇ ਟੈਲੀ-1 ਚੈਨਲ ਉੱਤੇ ਕਿਹਾ ਸੀ, ‘‘ਇੱਕ ਬਹੁਤ ਮਸ਼ਹੂਰ ਕਹਾਵਤ ਹੈ ਕਿ ਜਿਸ ਦੇ ਸਿਰ ਉੱਤੇ ਤਾਜ ਹੁੰਦਾ ਹੈ, ਉਹ ਸਮਝਦਾਰ ਹੋ ਜਾਂਦਾ ਹੈ, ਪਰ ਜਿਵੇਂ ਅਸੀਂ ਵੇਖ ਰਹੇ ਹਾਂ, ਇਹ ਸੱਚ ਨਹੀਂ ਹੈ।'' ਉਨ੍ਹਾਂ ਕਿਹਾ ਕਿ ਇੱਕ ਬੈਲ ਦੇ ਮਹਿਲ ਵਿੱਚ ਵੜਨ ਨਾਲ ਉਹ ਰਾਜਾ ਨਹੀਂ ਬਣ ਜਾਂਦਾ, ਸਗੋਂ ਮਹਿਲ ਖੇਤ ਬਣ ਜਾਂਦਾ ਹੈ। ਕਬਾਸ ਨੇ ਬਾਅਦ ਵਿੱਚ ਇਸ ਕਹਾਵਤ ਨੂੰ ਟਵਿੱਟਰ ਉੱਤੇ ਵੀ ਪੋਸਟ ਕੀਤਾ। ਏਰਦੋਗਨ ਦੇ ਮੁੱਖ ਬੁਲਾਰੇ ਫਹਾਰਟਿਨ ਅਲਟੁਨ ਨੇ ਇਸ ਮਹਿਲਾ ਪੱਤਰਕਾਰ ਦੀਆਂ ਟਿੱਪਣੀਆਂ ਨੂੰ ‘ਗੈਰ-ਜ਼ਿੰਮੇਵਾਰਾਨਾ' ਕਿਹਾ। ਉਨ੍ਹਾਂ ਟਵਿੱਟਰ ਉੱਤੇ ਲਿਖਿਆ, ਇੱਕ ਕਥਿਤ ਪੱਤਰਕਾਰ ਇੱਕ ਟੀ ਵੀ ਚੈਨਲ ਉੱਤੇ ਸਾਡੇ ਰਾਸ਼ਟਰਪਤੀ ਦਾ ਖੁੱਲ੍ਹੇ ਤੌਰ ਉੱਤੇ ਅਪਮਾਨ ਕਰ ਰਹੀ ਹੈ, ਜਿਸ ਦਾ ਸਿਰਫ ਨਫਰਤ ਫੈਲਾਉਣ ਤੋਂ ਬਿਨਾਂ ਕੋਈ ਦੂਜਾ ਮਤਲਬ ਨਹੀਂ ਹੈ।''

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ