Welcome to Canadian Punjabi Post
Follow us on

17

May 2022
 
ਮਨੋਰੰਜਨ

‘ਵਿਕਰਮ ਵੇਧਾ’ ਫਿਲਮ ਸੋਚਣ ਨੂੰ ਮਜਬੂਰ ਕਰੇਗੀ: ਸੈਫ ਅਲੀ ਖਾਨ

December 16, 2021 02:13 AM

ਅਭਿਨੇਤਾ ਸੈਫ ਅਲੀ ਖਾਨ ਇਨ੍ਹੀਂ ਦਿਨੀਂ ਤਮਿਲ ਫਿਲਮ ‘ਵਿਕਰਮ ਵੇਧਾ’ ਦੀ ਹਿੰਦੀ ਰੀਮੇਕ ਦੀ ਸ਼ੂਟਿੰਗ ਕਰ ਰਹੇ ਹਨ। ਮੂਲ ਫਿਲਮ ਵਿੱਚ ਗੈਂਗਸਟਰ ਦੀ ਭੂਮਿਕਾ ਵਿਜੇ ਸੇਤੂਪਤੀ ਅਤੇ ਇਮਾਨਦਾਰ ਪੁਲਸ ਅਧਿਕਾਰੀ ਦੀ ਭੂਮਿਕਾ ਆਰ ਮਾਧਵਨ ਨੇ ਨਿਭਾਈ ਸੀ। ਰੀਮੇਕ ਵਿੱਚ ਸੈਫ ਅਲੀ ਖਾਨ ਪੁਲਸ ਅਧਿਕਾਰੀ ਤੇ ਰਿਤਿਕ ਰੋਸ਼ਨ ਗੈਂਗਸਟਰ ਬਣਨਗੇ। ਫਿਲਮ ਦੇ ਪਹਿਲੇ ਸ਼ਡਿਊਲ ਨੂੰ ਪਿਛਲੇ ਮਹੀਨੇ ਸੰਯੁਕਤ ਅਰਬ ਅਮੀਰਾਤ ਵਿੱਚ ਸ਼ੂਟ ਕੀਤਾ ਗਿਆ। ਇਸ ਫਿਲਮ ਦਾ ਨਿਰਦੇਸ਼ਨ ਮੂਲ ਫਿਲਮ ਦੇ ਡਾਇਰੈਕਟਰ ਪੁਸ਼ਕਰ ਅਤੇ ਗਾਇਤਰੀ ਹੀ ਕਰ ਰਹੇ ਹਨ।
ਫਿਲਮ ਬਾਰੇ ਗੱਲਬਾਤ ਦੌਰਾਨ ਸੈਫ ਅਲੀ ਖਾਨ ਨੇ ਕਿਹਾ, ‘ਵਿਕਰਮ ਵੇਧਾ’ ਸ਼ਾਨਦਾਰ ਫਿਲਮ ਹੈ। ਇਸ ਨੂੰ ਦੇਖ ਕੇ ਤੁਸੀਂ ਸੋਚਣ ਨੂੰ ਮਜਬੂਰ ਹੋਵੋਗੇ। ਇਹ ਫਿਲਮ ਇਮਾਨਦਾਰ ਪੁਲਸ ਅਫਸਰ ਦੇ ਦੁਆਲੇ ਘੁੰਮਦੀ ਹੈ, ਜੋ ਆਪਣੇ ਫਰਜ਼ ਨਾਲ ਕੋਈ ਸਮਝੌਤਾ ਨਹੀਂ ਕਰਦਾ। ਜਦ ਤੱਕ ਉਹ ਗੈਂਗਸਟਰ ਵੇਧਾ ਦੇ ਐਨਕਾਊਂਟਰ ਲਈ ਬਣਾਈ ਟੀਮ ਦੀ ਅਗਵਾਈ ਕਰਦਾ ਹੈ ਤਾਂ ਦੋਵਾਂ ਦਾ ਸਾਹਮਣਾ ਹੁੰਦਾ ਹੈ। ਗੈਂਗਸਟਰ ਉਸ ਨੂੰ ਤਿੰਨ ਕਹਾਣੀਆਂ ਸੁਣਾਉਂਦਾ ਹੈ, ਜਿਸ ਨੂੰ ਸੁਣ ਕੇ ਸਹੀ ਅਤੇ ਗਲਤ ਨੂੰ ਲੈ ਕੇ ਵਿਕਰਮ ਦਾ ਨਜ਼ਰੀਆ ਬਦਲ ਜਾਂਦਾ ਹੈ।

 
Have something to say? Post your comment